2020 წლის 24 აგვისტოს სოხუმის სახელმწიფო უნივერსიტეტის რექტორის, პროფესორ ზურაბ ხონელიძესთან გაიმართა სამუშაო შეხვედრა მათემატიკის საბაკალავრო პროგრამის კურიკულუმის განხილვის მიზნით, რომელშიც მონაწილეობდნენ პროფესორი როლანდ დუდუჩავა (საქართველოს მათემატიკოსთა კავშირის პრეზიდენტი), ასოცირებული პროფესორები რომეო გალდავა (სოხუმის სახელმწიფო უნივერსიტეტის ხარისხის მართვის სამსახურის უფროსი) და ნესტან კეკელია (საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის დეკანი), პროფესორი ოთარ ჟორდანია (რექტორის მრჩეველი) და პროფესორები: ოთარ ჭკადუა, მალხაზ აშორდია და თემურ ჩილაჩავა, რომელიც შეხვედრაში ონლაინ ჩაერთო.

შეხვედრის მონაწილეებმა  მათემატიკის საბაკალავრო პროგრამის წარმოდგენილი კურიკულუმის პროექტების შესახებ იმსჯელეს და  აღნიშნულ პრობლემასთან დაკავშირებული სხვადასხვა საკითხები განიხილეს.