სოხუმის სახელმწიფო უნივერსიტეტს ეწვია და რექტორს, პროფესორ ზურაბ ხონელიძეს შეხვდა წარსულში ჩვენი უნივერსიტეტის პროფესორი და  ივანე ჯავახიშვილის სახელობის თბილისის სახელმწიფო უნივერსიტეტის რექტორი, ამჟამად კი ბერლინის შტაინბაისის უნივერსიტეტის პრეზიდენტი (გერმანიის ფედერაციული რესპუბლიკა), პროფესორი გიორგი ხუბუა.

მასპინძელმა სტუმარს საუნივერსიტეტო დიპლომატიის კონცეფცია გააცნო, რომელსაც პროფესორმა გ. ხუბუამ აბსოლუტური მხარდაჭერა გამოუცხადა. სტუმრის მხრიდან აღინიშნა, რომ საუნივერსიტეტო დიპლომატიის იდეას გააცნობს მის პარტნიორ სხვა გერმანულ უმაღლეს სასწავლებლებსაც, რომლებიც, ასევე, სოხუმის სახელმწიფო უნივერსიტეტის მეგობრები და პარტნიორები გახდებიან.

შეხვედრისას დაიგეგმა ერთობლივი მემორანდუმის გაფორმება, რომლის ფარგლებში სხვადასხვა სამეცნიერო პროექტები შემუშავდება და განხორციელდება.