2022 წლის 2 მარტს რექტორმა ზურაბ ხონელიძემ უნივერსიტეტის მრავავლშვილიან სტუდენტ-დედებს – მაკა  იაკობიშვილს, ლიანა ზვიადაძეს და ლიკა გაბლიშვილს – უმასპინძლა.

მაკა  იაკობიშვილი და ლიანა ზვიადაძე განათლების მეცნიერებათა ფაკულტეტის სტუდენტები არიან,  ლიკა გაბლიშვილი კი ჰუმანიტარულ მეცნიერებათა ფაკულტეტის სადოქტორო პროგრამა „საქართველოს ისტორიის“ დოქტორანტი და ჩინური ენის სპეციალისტია.

ახალგაზრდა ქალბატონები შვილების აღზრდასა და საოჯახო საქმიანობას, წარმატებით უთავსებენ სწავლას და საზოგადოებრივ ასპარეზზე აქტიურ ცხოვრებას. რექტორთან შეხვედრამ თბილ, მეგობრულ გარემოში ჩაიარა. ისაუბრეს განათლების მნიშვნელობაზე, საკუთარ საქმიანობაზე, ოჯახებზე. დასასრულ, ბატონმა ზურაბმა საზეიმო გარემოში, გოგონებს  სამახსოვრო საჩუქრები გადასცა.

სოხუმის სახელმწიფო უნივერსიტეტის რექტორი, პროფესორი ზურაბ ხონელიძე, „დედის დღეს“ ულოცავს ყველა ქალბატონს და ბედნიერ დედობას უსურვებს.