სოხუმის სახელმწიფო უნივერსიტეტის ჰუმანიტარულ მეცნიერებათა ფაკულტეტი ყოველ წელს მასშტაბურად აღნიშნავს 14 აპრილს, მაგრამ წელს, გასაგები მიზეზების გამო, ეს ღონისძიებები ჩაიშალა.თუმცა ქართულ ენაში მოსამზადებელი პროგრამის სტუდენტებმა გადაწყვიტეს თავიანთი სათქმელი დისტანციურად ეთქვათ საზოგადოებისთვის და ჩაწერეს ვიდეომიმართვები. ამ წრფელი გულით ნათქვამ სიტყვებში ეთნიკურად არაქართველი სტუდენტები უხსნიან საზოგადოებას, თუ რატომ უნდა იცოდეს საქართველოს ყველა მოქალაქემ სახელმწიფო ენა და როგორ უყვართ და პატივს სცემენ ისინი ქართულ ენას.

ფიდან ქიარიმოვამ და ამაილ ფაშაევამ სოხუმის უნივერსიტეტის ჰუმანიტარულ მეცნიერებათა ფაკულტეტის სტუდენტთა პირველ online-კონფერენციაშიც მიიღეს მონაწილეობა, რომელიც 2020 წლის 14 აპრილს გაიმართა. ხოლო დანარჩენებმა: ფარი ბალგაზაროვამ,ანთიკა ისმაილოვამ, აიტაჩ გარაჯაევამ, ნიგარ გაჯიევამ და ქუდრატ იუსუბოვამ, ტექნიკური პრობლემის გამო, თავად ჩაწერეს ვიდეომიმართვები და ასე გაავრცელეს ფეისბუკის საშუალებით.

ღონისძიების ორგანიზატორი იყო ჰუმანიტარულ მეცნიერებათა ფაკულტეტის ასისტენტ-პროფესორი,ფილოლოგიის დოქტორი გვანცა გვანცელაძე.