2020 წლის 10 ივნისს შედგა ონლაინ-შეხვედრა ფარმაცევტული კომპანია პსპ-ს წარმომადგენლებსა და საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის წარმომადგენლებს შორის.

 შეხვედრას, რომლის თემაც იყო „სტუდენტური დასაქმების პროგრამა“, ესწრებოდნენ:

ეკა ფრუიძე – პსპ აკადემიის მენეჯერი, თინათინ ორველაშვილი – პსპ-ს პერსონალის შერჩევისა და რეკრუტინგის განყოფილების უფროსი, ნესტან კეკელია – საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის დეკანი, მარინა ზარქუა – საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის ხარისხის სამსახურის უფროსი, კახა კვაშილავა – სოხუმის სახელმწიფო უნივერსიტეტის საზოგადოებასთან ურთიერთობის სამსახურის უფროსი, ირმა ცომაია – ფარმაციის მიმართულების ხელმძღვანელი, ფარმაციის დოქტორი, პროფესორი, ფარმაციის მიმართულების აკადემიური პერსონალი და სტუდენტები.

 სოხუმის სახელმწიფო უნივერსიტეტსა და კომპანია პსპ-ს შორის 7 წელია, რაც გაფორმებულია ურთიერთთანამშრომლობის მემორანდუმი, რომელიც ითვალისწინებს სტუდენტების დასაქმებას, სტაჟირებას და პროფესიულ პრაქტიკას.

 სოხუმის სახელმწიფო უნივერსიტეტის ფარმაციის საბაკალავრო პროგრამის კურსდამთავრებულებისა და სტუდენტების დიდი ნაწილი დასაქმებულია კომპანია პსპ-ში.

 ქალბატონებმა ე. ფრუიძემ და თ. ორველაშვილმა სსუ ფარმაციის საბაკალავრო პროგრამის სტუდენტებს გააცნეს კომპანიის საქმიანობა და  მათთან დასაქმება სხვადასხვა პოზიციაზე შესთავაზეს. სტუდენტები დაინტერესდნენ ამ სიახლეებით და პსპ-ს წარმომადგენლებს კთხვებით მიმართეს, რაზეც ამომწურავი პასუხები მიიღეს.