ონლაინ სამეცნიერო კონფერენცია ცნობილ ენათმეცნიერს, პროფესორ

თეიმურაზ გვანცელაძეს მიეძღვნა

სოხუმის სახელმწიფო უნივერსიტეტის სამეცნიერო კვლევებისა და განვითარების დეპა­რ­ტა­მენტის, სამშვიდობო განათლების ცენტრისა  და აფხაზეთის ა/რ განათლებისა და კულტურის სამინისტროს ინიციატივით  2021 წლის 16 ოქტომბერს  ონლაინ სამეცნიერო კონფერენცია - „აფხაზეთის კულტურული ფასეულობანი: ენა, ლიტე­რა­ტუ­რა, ისტორია, კულ­ტუ­რის ძეგლები“ გაიმართა. კონფერენცია  ცნობილი ენათმეცნიერის, აფხაზოლოგისა და კავკასიის კვლევების სპეციალისტის პროფესორ  თეიმურაზ გვანცელაძის 70 წლის იუბილეს მიეძღვნა.

კონფერენცია გახსნა სოხუმის სახელმწიფო უნივერსიტეტის რექტორმა, პროფ. ზურაბ ხო­ნელიძემ,  რომელმაც ისაუბრა აფხაზეთის კულტურული ფასეულობების შესწავლისა და პოპ­უ­ლარიზაციის  მნიშვნელობაზე,  განსაკუთრებული ყურადღება დაუ­თ­მო პროფესორ თეიმურაზ გვა­ნცელაძის ნაყოფიერ საქმიანობას, სამეცნიერო გამოკვ­ლე­ვე­ბსა და სახელმძღვანელოებს აფხაზოლოგიის მიმართულებით. რექტორმა აღნიშნა, რომ აფხა­ზო­ლო­გია სამშვიდობო განათ­ლე­ბის ცენტრის მთავარი მიმართულებაა, რომლის ავან­გა­რ­დში ბატონი თემური და მისი გუნდი დგას, რისთვისაც  მადლობა გადაუხადა პროფ. თეიმურაზ გვანცელაძეს და უსურვა მას დღეგ­რ­ძელობა და შემოქმედებითი აქტივობა.   

კონფერენციის მონაწილეებს მიესალმა და თეიმურაზ გვანცელაძეს იუბილე მიუ­ლოცეს   აფხა­ზე­თის ა/რ განათლებისა და კულტურის მინისტრმა ეკა ხოფერიამ, სსუ სამეცნიერო კვლევებისა და განვითარების დეპარტამენტის უფროსმა ასოც. პროფ. ლია ახალაძემ, რომლებმაც ისაუბრეს აფხაზეთის კულტურული ფასეულობების მნიშვნელობასა და როლზე ქართული კულტურის ისტორიაში.

კონფერენციის მუშაობაში მონაწილეობდნენ საქართველოს, ჩრდილოეთ კავკასიისა და თურქეთის უნივერსიტეტების ქართველოლოგები და კავკასიოლოგები. მი­ლო­ც­ვებისა და მთავარი მოხსენების შემდეგ გაიმართა სექციური მუშაობა: აფხაზოლოგია - აფხაზური ენა და ლიტერატურა; აფხაზეთმცოდნეობა - ისტორია, ეთნოლოგია, კულტურის ძეგლები; 

კონფერენციაზე წარმოდგენილი იყო სოხუმის სახელმწიფო უნივერსიტეტის, სამშვიდობო განათლების ცენტრის, არნოლდ ჩიქობავას სახელობის ენათმეცნიერების ინსტიტუტის, ივ. ჯავახიშვილის სახელობის თბილისის სახელმწიფო უნივერსიტეტის აფხაზეთის ინსტიტუტის, ივ. ჯავახიშვილის სახელობის ისტორიისა და ეთნოლოგიის ინსტიტუტის, აკაკი წერეთლის  სახელმწიფო უნივერსიტეტის, ბათუმის ხელოვნების სასწავლო უნივერსიტეტის, საქართველოს  ისტორიის  მასწავლებელთა  ასოციაციის, აფხაზეთის  ა/რ განათლებისა და კულტურის სამი­ნი­ს­ტროს კულტურულ მემკვიდრეობათა  დაცვის სამსახურის, დუზჯეს უნივერსიტეტის (თურქეთი), ილიას სახელმწიფო უნივერსიტეტის, ქუთაისის ილია ჭავჭავაძის სახელობის საჯარო ბიბლიოთეკის, სამცხე-ჯავახეთის სახელმწიფო უნივერსიტეტის, რეჯეფ თაიფ ერდოღანის უნივერსიტეტის (თურქეთი), საქართველოს საპატრიარქოს წმ. ანდრია პირველ­წო­დე­ბულის სახელობის ქართული უნივერსიტეტის, აფხაზეთის ა/რ უმაღლესი საბჭოს,აფხაზეთის ა/რ მთა­ვ­რობის ადმინისტრაციის წარმომადგენლები, მეცნიერები და მკვლევრები, რომელთა მოხსენებები, კვლევები და მილოცვები აფხაზეთის კულტურულ ფასეულობებს: ენას, ისტორიას, ეთნოლოგიას, ფოლკლორს, კულტურის ძეგლებს და პროფესორ  თეიმურაზ გვანცელაძის სამეცნიერო მემკვიდრეობის შესწავლას ეხებოდა.

          კონფერენციის შემაჯამებელ სხდომაზე, ორგანიზატორებისა და სექციის ხელმძღვ­ა­ნე­ლების მიერ გადაწყდა,  წარმოდგენილი მოხსენებები  დაიბეჭდოს სპეციალურ საიუბილეო კრებულში. 

ლია ახალაძე

სამეცნიერო კვლევებისა და განვითარების დეპატამენტის უფროსი

 ონლაინ სამეცნიერო კონფერენცია აფხაზეთის კულტურული ფასეულობანი: ენა, ლიტერატურა, ისტორია, კულტურის ძეგლები - პროგრამა