სსუ აკადემიურმა საბჭომ 2021 წლის 3 ნოემბერს იმსჯელა და მიიღო დადგენილება2021-2022 სასწავლო წლისშემოდგომის სემესტრის შუალედური გამოცდების ჩატარების ფორმატის განსაზღვრის შესახებ.

სწავლების სამივე საფეხურის სტუდენტებისათვის შუალედური გამოცდები ჩატარდება ონლაინ-ფორმატში, ხოლო, სტუდენტებთან შეთანხმებით, სასწავლო კურსის ხელმძღვანელის მიერ განისაზღვრება გამოცდის ფორმა: წერითი, ზეპირი ან კომბინირებული სახით.

იმ სტუდენტებისათვის, რომელთათვის შუალედური გამოცდის ჩაბარების დისტანციური ფორმა ხელმისაწვდომი არ არის, საგამოცდო ცენტრმა და უნივერსიტეტის აკადემიურმა პერსონალმა უზრუნველყოს შუალედური გამოცდების ჩატარება საუნივერსიტეტო სივრცეში, 2021 წლის 23 ივლისის აკადემიური საბჭოს დადგენილებით (№ 05/01-717) განსაზღვრულ ვადებში (2021 წლის 8 ნოემბერი - 13 ნოემბერი) და 2021 წლის 28 სექტემბრის აკადემიური საბჭოს დადგენილებით (№ 05/01-05) განსაზღვრულ ვადებში  (22 ნოემბერი - 27 ნოემბერი); აღნიშნულ შემთხვევაში სტუდენტი ვალდებულია განცხადებით მიმართოს შესაბამისი ფაკულტეტის დეკანს არაუგვიანეს 3 დღით ადრე.