2021 წლის 8 დეკემბერს სოხუმის სახელმწიფო უნივერსიტეტის რექტორმა, პროფესორმა ზურაბ ხონელიძემ საერთაშორისო სამეცნიერო კონფერენციის – „სახელმწიფო მმართველობის ახალი ტექნოლოგიები მდგრადი განვითარებისა და ინკლუზიური საზოგადოებისათვის“ – მუშაობაში მონაწილება მიიღო და წაიკითხა მოხსენება „საქართველოს სამშვიდობო პარადიგმა“.

კონფერენციის ორგანიზატორია აზერბაიჯანის რესპუბლიკის პრეზიდენტთან არსებული საჯარო მმართველობის აკადემია, რომლის რექტორმა, აკადემიკოსმა ურხან ალაქბაროვმა გულთბილი პატივისცემა გამოხატა სოხუმის სახელმწიფო უნივერსიტეტის მიმართ. მან მაღალი შეფასება მისცა ზ. ხონელიძის იდეას საუნივერსიტეტო დიპლომატიის შესახებ და ის აზერბაიჯანში მიიწვია აღნიშნულ საკითხთან დაკავშირებით საჯარო ლექციის წასაკითხად.