სოხუმის სახელმწიფო უნივერსიტეტის სტუდენტების მუსიკალური ფოლკლორული ანსამბლი „სნო“ (ხელმძღვანელი ქ-ნი ქეთევან წიკლაური) და ქორეოგრაფიული ანსამბლი „მირონი“ (ხელმძღვანელი ბ-ნი დავით ნადარეიშვილი) სახალხო ფესტივალის „არტგენი-2018“ თბილისის ტურზე წარმატებულად გამოვიდნენ. Art-გენი 2018-მა სტარტი 21 ივნისს რეგიონული ტურნეთი აიღო და საქართველოს 4 რეგიონში - აჭარა, გურია, იმერეთი, ლეჩხუმი, 9 დღის განმავლობაში მოგზაურობდა. როგორც რეგიონებში, ასევე თბილისის ფესტივალზე წარმოდგენილი იყო ხალხური რეწვის გამოფენები, მოწყობილი იყო ჰამაკების და პუფების ზონა, წარმოდგენილი იყო სხვადასხვა კრეატიული სივრცეები. ჩატარდა ქართული საბრძოლო ხელოვნების საჩვენებელი წარმოდგენები, ფოლკლორული და თანამედროვე ვოკალურ - ინსტრუმენტული და ქორეოგრაფიული ანსამბლების კონცერტები. 10 ივლისი ფესტივალზე „აფხაზეთის დღე“ იყო. არაერთი ნიჭიერი მუსიკოსი და დებიუტანტი გაიცნო ფართო აუდიტორიამ. სოხუმის სახელმწიფო უნივერსიტეტის ფოლკლოლური ანსამბლების გამოსვლას კი დამსახურებულად მოჰყვა მაყურებლის განსაკუთრებული ოვაცია. Art-გენი 2018-ის თბილისის ტური ეთნოგრაფიულ მუზეუმში 8 ივლისს გაიხსნა და 15 ივლისს დაიხურება.