2019 წლის 19 ნოემბერს, 15:00 საათზე, სოხუმის სახელმწიფო უნივერსიტეტში (ანა პოლიტკოვსკაიას ქ. № 26, VII სართული, საპრეზენტაციო ოთახი # 712) საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის, სადოქტორო პროგრამის, „გამოყენებითი მათემატიკა“, დოქტორანტი ცირა ღვინჯილია დაიცავს დისერტაციას თემაზე: „სამეცნიერო კვლევების ურთიერთგავლენებისა, მეცნიერთა მომზადებისა და უნივერსიტეტების კონკურენციის პროცესების მათემატიკური მოდელირება“.

სამეცნიერო ხელმძღვანელი:

თემურ ჩილაჩავა - ფიზიკა-მათემატიკის მეცნიერებათა დოქტორი, სოხუმის სახელმწიფო უნივერსიტეტის  გამოყენებითი   მათემატიკის მიმართულების პროფესორი, საქართველოს საბუნებისმეტყველო      და განათლების მეცნიერებათა აკადემიების წევრი,  ცხუმ-აფხაზეთის მეცნიერებათა აკადემიის ვიცე-პრეზიდენტი.

ექსპერტები:

თამაზ ობგაძე - ტექნიკურ მეცნიერებათა დოქტორი, საქართველოს ტექნიკური უნივერსიტეტის პროფესორი, საინჟინრო აკადემიის ნამდვილი წევრი;

რომეო გალდავა - ფიზიკა-მათემატიკის მეცნიერებათა კანდიდატი,

სოხუმის სახელმწიფო უნივერსიტეტის გამოყენებითი   მათემატიკის მიმართულების ასოცირებული პროფესორი.

ოფიციალური რეცეზენტები:

თემურ ჯანგველაძე -  ფიზიკა-მათემატიკის მეცნიერებათა დოქტორი, საქართველოს ტექნიკური უნივერსიტეტის პროფესორი, ივ.ჯავახიშვილის სახელობის თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტის მთავარი მეცნიერ-თანამშრომელი;

ნესტან კეკელია - ფიზიკა-მათემატიკის მეცნიერებათა კანდიდატი, სოხუმის სახელმწიფო უნივერსიტეტის წმინდა მათემატიკის მიმართულების ასოცირებული პროფესორი.

დისერტაციის გაცნობა შესაძლებელია სოხუმის სახელმწიფო უნივერსიტეტის სამეცნიერო ბიბლიოთეკაში.