2021 წლის 23 თებერვალს გაიმართა ონლაინ შეხვედრა სოხუმის სახელმწიფო უნივერსიტეტის საერთაშორისო ურთიერთობებისა და კულტურათაშორისი კავშირების სამსახურის უფროსთან, პროფესორ ინდირა ძაგანიასთან.

შეხვედრას ესწრებოდნენ ბიზნესისა და სოციალურ მეცნიერებათა ფაკულტეტის დეკანი, პროფესორი ირმა დიხამინჯია, ფაკულტეტის აკადემიური პერსონალის  წარმომადგენლები: ხათუნა ამაღლობელი, მარინე ხუბუა, ნინო ქეცბაია, სხვადასხვა სპეციალობების სამივე საფეხურის სტუდენტები.

ქალბატონმა ინდირამ მათ მიაწოდა ინფორმაცია მიმდინარე პროექტებზე, პარტნიორ უნივერსიტეტებთან გაცვლით პროგრამებზე (როგორც საბაკალავრო, ისე სამაგისტრო და სადოქტორო დონეებზე), უნივერსიტეტის ინტერნაციონალიზაციასთან დაკავშირებულ საკითხებზე.

შეხვედრა დიალოგის რეჟიმში გაგრძელდა. ყველა კითხვას ამომწურავი პასუხი გაეცა. გამოითქვა სურვილი მსგავსი შეხვედრების ორგანიზებისა მომავალშიც, რათა ყველა სტუდენტს მიეცეს შესაძლებლობა, მიუხედავად პანდემიისა, ინფორმირებული იყოს უნივერსიტეტში მიმდინარე აქტივობებთან დაკავშირებით.