2022 წლის 21 თებერვალს სოხუმის სახელმწიფო უნივერსიტეტსა და „მისო ევრო კრედიტ“-ს  შორის, ურთიერთთნამშრომლობის მემორანდუმი გაფორმდა.

მემორანდუმს ხელი მოაწერეს სოხუმის სახელმწიფო უნივერსიტეტის რექტორმა, პროფესორმა ზურაბ ხონელიძემ და  „მისო ევრო კრედიტი“-ს დირექტორმა, მიხეილ ნონიკაშვილმა.

სს „მისო ევრო კრედიტი“, როგორც პრაქტიკის ობიექტი, უზრუნველყოფს სსუ-ის სტუდენტთა სასწავლო პროცესის  მხარდაჭერას არსებული საგანმანათლებლო  პროგრამების შესაბამისად. პროფესიული პრაქტიკის განსახორციელებლად კი გამოიყენებს მის ხელთ არსებულ ყველა ინტელექტუალურ და მატერიალურ-ტექნიკურ რესურსს.

სს „მისო ევრო კრედიტი“ სსუ-ის სტუდენტებს ხელს შეუწყობს თანამედროვე მოთხოვნებიდან გამომდინარე პრაქტიკული უნარ-ჩვევების გამომუშავებაში, ასევე იზრუნებს უნივერსიტეტის კურსდამთავრებულთათვის სტაჟირების ხელშეწყობაზე.