სოხუმის სახელმწიფო უნივერსიტეტის რექტორმა მასპინძელი უნივერსიტეტის თავმჯდომარეობით ხელი მოაწერა პარტნიორ უნივერსიტეტებთან კონსორციუმის შექმნას, რომელიც მიზნად ისახავს ახალ ევროპულ პროექტებში ერთობლივ მონაწილეობას.

სოხუმის სახელმწიფო უნივერსიტეტსა და ბიდგოშჩის ეკონომიკის უნივერსიტეტს 7- წლიანი წარმატებული პარტნიორობა აკავშირებთ და კონსორციუმის შექმნით ახალი შესაძლებლობები შეიქმნა ორივე მხარისთვის. ორ უნივერსიტეტს შორის არსებული კონტაქტების გაძლიერებაში, ინტერკულტურული ურთიერთობებისა და განათლების გაღრმავებაში განსაკუთრებულლი წვლილისთვის რექტორმა, პროფ. ზურაბ ხონელიძემ საპატიო სიგელით დააჯილდოვა სახელმწიფო კანცლერი, პროფ. ფილიპ სიკორა და პროფ. ირენა კუდლინსკა.

ვიზიტის ფარგლებში შედგა შეხვედრები ქალაქის მერიაში, ბიზნესმენებთან და სხვ.

Erasmus+ ფარგლებში სსუ-ის რექტორმა, პროფ. ზურაბ ხონელიძემ საერთაშორისო ურთიერთობების მიმართულების სტუდენტებისთვის წაიკითხა ლექცია საუნივერსიტეტო დიპლომატიაზე, ხოლო პროფ. ინდირა ძაგანიამ - თემაზე: “კულტურათაშორისი კომუნიკაციების შესაძლებლობები თანამედროვე მსოფლიოში“. ღონისძიებების ფარგლებში წარმოდგენილი იყო სხვადასხვა ქვეყნის ეროვნული სამზარეულო, სადაც საქართველომ განსაკუთრებული მოწონება დაიმსახურა.

7 ივნისს რექტორი, პროფ. ზურაბ ხონელიძე და საერთაშორისო ურთიერთობებისა და კულტურათაშორისი კავშირების სამსახურის უფროსი, პროფ. ინდირა ძაგანია ეწვივნენ ფინანსებისა და მენეჯმენტის უნივერსიტეტს, ბელოსტოკში, რომელთანაც თანამშრომლობის ხელშეკრულება გაფორმდა მიმდინარე წლის აპრილის თვეში. შედგა შეხვედრა რექტორთან, პროფ. ედუარდ ჰოსცილოვიჩთან, რომელშიც მონაწილეობდნენ პრორექტორი საერთაშორისო დარგში, პროფ. ანატოლიუს კოპჩუკი, დეკანები, განყოფილებების უფროსები. დაისახა სამომავლო გეგმები. სოხუმის სახელმწიფო უნივერსიტეტის რექტორმა ზურაბ ხონელიძემ წაიკითხა საჯარო ლექცია თემაზე: “საუნივერსიტეტო დიპლომატია“.

ვიზიტის დასასრულს გაიმართა შეხვედრა მეცნიერებათა აკადემიაში, ვარშავაში.