2022 წლის 28 აპრილს სოხუმის სახელმწიფო უნივერსიტეტის რექტორმა, პროფესორმა ზურაბ ხონელიძემ, ქ. თბილისის მუნიციპალიტეტის მერის, ბატონ კახა კალაძის სახელით, საზეიმო ვითარებაში ჩვენი უნივერსიტეტის წარმატებულ მაგისტრანტებს – ქრისტინე ზაქარაშვილს (ბიზნესის ადმინისტრირება), ნინო საჯაიას (ბიზნესის ადმინისტრირება), მაგდა მოხევიშვილს (სოციოლოგია), ანა დაუშვილს (სოციალური ფსიქოლოგია), თინათინ ესებუას (სოციალური ფსიქოლოგია), ელენე მაღლაფერიძეს (გამოყენებითი სტატისტიკა), ნინო მაჭარაშვილს (ქიმიური ექსპერტიზა), ანა მიხანაშვილს (სამართალი), ნანა აბულაძეს (სამართალი), მარიამ გერგედავას (სამართალი), მარიამ თურმანიძესა (სამართალი) და მზევინარ ჯანაშვილი (ქართული ფილოლოგია) – მერიის სტიპენდია გადასცა და პროფესიულ კარიერაში მომავალი წარმატებები უსურვა.

წარმატებულ მაგისტრანტებს მიღებული სტიპენდია ასევე მიულოცეს ბიზნესისა და სოციალურ მეცნიერებათა ფაკულტეტის დეკანმა, ასოცირებულმა პროფესორმა ირმა დიხამინჯიამ, სამართლისა და დიპლომატიის ფაკულტეტის დეკანმა, პროფესორმა ვეფხვია გვარამიამ, საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტის დეკანმა, ასოცირებულმა პროფესორმა ნესტან კეკელიამ და ჰუმანიტარულ მეცნიერებათა ფაკულტეტის დეკანმა, პროფესორმა მერაბ ნაჭყებიამ.

მაგისტრანტებმა მადლობა გადაუხადეს უნივერსიტეტის რექტორსა და მათი ფაკულტეტების დეკანებს მათ წარმატებაში შეტანილი მნიშვნელოვანი წვლილისათვის.